Jyl basynan beri qazaqstandyqtar 47.8 myńnan astam ıpotekalyq nesıeni merziminen buryn tólegen. О́tken jyldyń uqsas kezeńinde kórsetkish eki ese tómen, ıaǵnı 24.5 myń bolǵan, dep jazady Egemen.kz.
Birinshi jartyjyldyqta ıpotekalyq qaryzdardy tólegen azamattar sany birden artty. Bul zeınetaqy jınaǵyn merziminen buryn alý múmkindigine baılanysty júzege asqan.
Sońǵy málimetter boıynsha, BJZQ-dan 8 494 ótinish boıynsha ıpotekalyq qaryzdardy tolyq jabýǵa 33.4 mlrd teńge baǵyttaldy. Ishinara óteýge 56 067 ótinim berilip, 130.3 mlrd teńge tólengen.
Merziminen buryn ótelgen nesıe kólemin "Otbasy banki" de atady. Atalmysh bankke elimizdiń ıpotekalyq naryǵynyń 60%-i tıesili. Birinshi jartyjyldyqta bul banktiń qaryz alýshylary 25 myń nesıeni merziminen buryn japqan.
2021 jylǵy qańtardaǵy jaǵdaı boıynsha búkil tarıhtaǵy kelisimsharttardyń jalpy sany 805 606 quraıdy, olardyń 55%-ten astamy merziminen buryn jabylǵan.
Resmı aqparatqa súıensek, Qazaqstanda barlyq ıpotekalyq qaryzdardyń jartysynan astamy merziminen buryn óteledi. Merziminen buryn óteýdiń ortasha merzimi - 3.5 jyl.