23 tamyzdan bastap qazaqstandyqtar halyqqa qyzmet kórsetý ortalyqtaryna mindetti brondaýsyz bara alady. Bul rette Ashyq júıesi arqyly mártebesin tekserýmen qabyldaý saqtalady, dep habarlaıdy Egemen.kz «Azamattarǵa arnalǵan úkimet» memlekettik korporasııasyna silteme jasap.
«Mindetti brondaý sanıtarlyq dárigerlerdiń basty talaby boldy, mundaı jumys rejımi kezektegi barlyq adamdy qabyldaýǵa múmkindik bermedi, al brondaý kúni kóbinese birneshe aptaǵa sozyldy. Qaýipsiz jáne beıtarap mártebesi bar klıentter endi memlekettik qyzmetterdi mindetti túrde aldyn ala kezek brondaýsyz ala alady. Bul rette elektrondy tásilmen kezekke turý múmkindigi burynǵy rejımde qala beredi. Bul jaǵdaıda klıenttiń artyqshylyǵy bolady, sondyqtan ol operatorǵa uzaq kútpesten kire alady. Biz kelýshilerdiń aǵyny artatynyn túsinemiz, sondyqtan sanıtarlyq qaýipsizdik sharalary týraly umytpaýlaryńyzdy suraımyz – betperde kıip, áleýmettik qashyqtyqty saqtańyz, sanıtaızerlerdi qoldanyńyz», dedi «Azamattarǵa arnalǵan úkimet» basqarmasynyń tóraǵasy A.Qojıhov.
Budan basqa, memlekettik korporasııa talondardy berý júıesin Ashyq-pen biriktirdi. Bul HQKO-da kezekke talondardy berý kezinde klıenttiń mártebesin tekserýge múmkindik beredi. Termınalda klıenttiń JSN terý kezinde aqparat Ashyq júıesindegi derektermen salystyrylady, ıaǵnı adamnyń «qyzyl» mártebesi anyqtalǵan kezde baǵdarlama talondy basyp shyǵarýdan bas tartýdy kórsetedi.