100 adam qyzyl pasportpen júrgen

Jýyqta kóshi-qon qyz­me­tiniń qyzmetkerleri jeke bas kýáliginsiz turyp jat­qan tul­ǵa­lardy anyqtaý ju­mys­ta­ryn júr­gizgen. Nátıjesinde, qu­jat­qa sal­ǵyrt­tyq tanytqan azamattar az emes eken. Olar jeke bas qujattary bolmaýyna baılanysty járdemaqy, zeınetaqy rásimdeı almaı kelgen. Barlyq derlik halyqqa qyzmet kórsetý qyz­metinen shettetilip kelgen. Zańdy túrde eńbek etýge de múm­kin­dikteri bolmaǵan.

Jyl basynan beri 1974 jylǵy úlgidegi KSRO pasportymen júrgen 100 adam Qazaqstan Respýblıkasynyń azamattary dep tanyldy. Máselen, Abaı aýdanynyń polısııa bólimine 52 jastaǵy Semeı qalasynyń týmasy habarlasqan. Ol 1980 jyldary Reseı Federasııasynyń Novosıbırsk qalasyna turaqty turý úshin shyǵyp ketip, sol jerde KSRO pasportyn rásimdegen. 1990 jyldardyń basynda Qazaqstanǵa oralyp, otbasyn qurǵan. Balaly-shaǵaly bolǵan.

– Qazirgi ýaqytqa deıin áıel adam 1974 jylǵy úlgidegi pasportpen turyp kelgen. Atalǵan qujatty Reseıde alǵan. Al Qa­zaq­stan Respýblıkasy azama­ty­nyń jeke kýáligin alý úshin Reseıdiń quzyretti organdarynan pasporttyń berilýi týraly qajettilikti rastaýy qajet edi, – deıdi oblystyq Polısııa departamenti kóshi-qon qyzmeti basqarmasynyń bastyǵy Erbol Bekpaev.

Budan keıin kóshi-qon qyz­me­tiniń qyzmetkerleri kórshi memleketten qajetti anyqtamaǵa suraý salǵan. Sóıtip, 17 maýsymda azamatsha kópten kútken anyqtama kelip, qujattaryn zańǵa sáıkes rásimdedi. О́z keze­ginde jeke bas qujatyn resim­deý­ge, qajetti qaǵazdardy jınaýǵa kómek kórsetken qyzmetkerlerge alǵysyn bildirdi. Endi ol memle­ket­tik qyzmetterdi el qatarly paı­dalana alatyn bolady.

Kez kelgen azamattyń qandaı da bir sebeppen jeke bas qu­­jat­tary joq bolsa, olardy jańadan rásimdeý úshin tur­ǵy­lyqty jerindegi kóshi-qon qyz­me­tine habarlasýy kerek. Osyny bilmeı, eski pasportyn aýys­tyrmaǵan 100 adamnyń jyl­dar boıy memlekettiń kóme­gine qol jetkize almaı júr­gen­digine ne aıtarsyz?!.

Shyǵys Qazaqstan oblysy