Pavlodar oblysynda 30 jastaǵy aýyl turǵyny páterlesiniń qylmysyn jasyrdy, dep habarlaıdy Egemen.kz zakon.kz-ke silteme jasap.
Maýsym aıynyń sońynda Ýspen aýdanynyń Qozyketken aýylynda 22 jastaǵy jergilikti turǵyn tanysymen janjaldasyp, oǵan pyshaq jaraqatyn salǵan. Zardap shegýshi oqıǵa ornynda kóz jumǵan.
«Aýyl turǵyny qylmystyń kýágeri bola tura polısııaǵa bolǵan oqıǵa týraly habarlaýdyń ornyna, zattaı dáleldemelerden arylýǵa tyrysqan. Ol qylmys quraly men marqumnyń zattaryn jasyrǵan», dep túsindirdi Pavlodar oblystyq polısııa departamenti bastyǵynyń birinshi orynbasary Jasqaırat Qaıyrov.
Pavlodar oblysynyń PD habarlaǵandaı, kúdiktiler qylmys jasaǵannan keıin aýdannan ketýdi josparlaǵan, biraq birneshe saǵattan keıin polısııa olardyń izine túsip, qamaýǵa alǵan.
Qylmyskerge qatysty QR QK 106-babynyń 3-bóligi boıynsha sotqa deıingi tergeý amaldary júrgizilýde. QR QK 432-baby boıynsha qylmysty jasyrǵan áıelge qatysty sotqa deıingi tergeý bastaldy.