«Soıýz-2.1b» zymyran tasyǵyshynyń ushyrylýy basqa kúnge aýysty, dep habarlaıdy Egemen.kz.
Ushý jospar boıynsha búgin, 20 tamyzda, Nur-Sultan ýaqyty boıynsha 04:23-te Baıqońyr ǵarysh aılaǵynyń 31-shi alańynan josparlanǵan.
«Roskosmos» telestýdııasynyń Baıqońyrdan tikeleı translıasııasy belgilengen ýaqyttan bir saǵat buryn bastaldy, biraq ushýǵa birneshe mınýt qalǵanda, júrgizýshiler keıinge qaldyrý týraly habarlady.
Roskosmostyń aqparattyq habarlamasynda «Fregat» joǵarǵy satysy bar «Soıýz-2.1b» zymyran tasyǵyshynyń jáne OneWeb spýtnıktik kompanııasynyń 34 ǵarysh kemesiniń ushyrylýy tehnıkalyq sebepterge baılanysty rezervtik ýaqytqa aýystyrylǵany aıtyldy.
Aldyn ala málimetter boıynsha Soıýz-2.1b zymyran tasyǵyshynyń ushyrylýy 2021 jyldyń 21 tamyzynda Máskeý ýaqytymen 01:18:20 (Nur ýaqyty boıynsha 4:18:20) josparlanǵan dep kórsetilgen.
OneWeb ǵarysh kemesi joǵary jyldamdyqty ınternetpen qamtamasyz etýge arnalǵan. Búginde tómen orbıtadaǵy OneWeb spýtnıkteriniń shoqjuldyzy 254 ǵarysh apparatyn quraıdy. Bul joly 34 jer serigin ushyrý josparlanǵan.