Kenııanyń Naırobı qalasynda jeńil atletıkadan jasóspirimder arasyndaǵy álem chempıonaty ótip jatyr. Qazaqstandyq Anastasııa Rypakova uzyndyqqa sekirý jarysynyń irikteý kezeńine qatysty, dep habarlaıdy Egemen.kz Tengrinews.kz -ke silteme jasap.
Birinshiliktiń fınalyna ótý úshin Rypakovaǵa 1 santımetr ǵana jetpeı qalǵan.
Uzyndyqqa sekirýden synǵa túsetin sportshylar 6,35 metrdi baǵyndyrý kerek bolǵan nemese 12-oryndy ıelenýi kerek. Al, Rypakova óziniń eń úzdik nátıjesinde 6,05 metrge sekirip, 13-orynda qaldy. Nıgerııalyq Rýt Agadama 6.06 metrge sekirdi. Nátıjesinde Agadama fınalǵa deıin jetip, 12-oryndy ıelendi.Aıta keteıik, Anastasııa - 2008, 2012, 2016 Olımpıada oıyndarynda kúmis, altyn jáne qola alǵan Olga Rypakovanyń qyzy. Tokıo-2020 oıyndarynan Olga Rypakova alǵash ret júldesiz oraldy.