Aqmolalyq polıseıler «Avtomobıl» is-sharasy barysynda jalǵan nómirli avtokólikti anyqtady, dep habarlaıdy Egemen.kz Polisia.kz-ke silteme jasap.
Avtokólik quraldarynyń aıdap áketilýi men urlanýynyń aldyn alý jáne ashý boıynsha jedel jaǵdaıdy turaqtandyrý maqsatynda 16-22 tamyz aralyǵynda Aqmola oblysynyń aýmaǵynda respýblıkalyq «Avtomobıl» jedel aldyn alý is-sharasy ótkiziledi.
Aǵymdaǵy jylǵy 18 tamyzda jedel is-sharalar ótkizý kezinde oblystyq Polısııa departamentiniń KQQB PPB qatysýymen Krımınaldyq polısııa basqarmasynyń qyzmetkerleri Áýezov kóshesimen júrip kele jatqan 38 jastaǵy júrgizýshisi tizgindegen jalǵan memlekettik tirkeý nómirlik belgileri bar Toyota Highlander markaly avtokóligin anyqtady. Júrgizýshiniń tirkeý qujattary men agregattardyń túıinderin tekserý barysynda kóliktiń buryn esepten shyǵarylǵany, al keıinirek oǵan reseılik eseptiń jalǵan nómirleri qoıylǵany anyqtaldy.
Qazirgi ýaqytta atalǵan fakti boıynsha QR QK 386-babynyń 1-bóligi (Kólik quralynyń sáıkestendirý nómirin qoldan jasaý, joıý, kórineý jalǵan sáıkestendirý nómiri bar kólik quralyn ótkizý) boıynsha sotqa deıingi is bastaldy. Tártip buzýshynyń kóligi arnaıy turaqqa qamaldy. Tergeý amaldary jalǵasýda. Saraptama taǵaıyndaldy.