Jelide meksıkalyq Petroleos Mexicanos (Pemex) kompanııasynyń munaı óndirý platformasynda bolǵan jarylys vıdeosy jarııalandy, dep habarlaıdy Egemen.kz.
Jarylys bolǵan Platforma Meksıkanyń Sıýdad-del-Karmen qalasynan 100 shaqyrym jerde ornalasqan.
«Pemex málimetinshe, saǵat 16:30 shamasynda Kampeche aımaǵynda ornalasqan Ku-Maloob-Zaap óndiristik kesheniniń E-Ku-A2 platformasynda shyqqan órt oqshaýlandy», delingen kompanııanyń Twitter-paraqshasynda.
Aldyn ala málimetke sáıkes, oqıǵa gaz ben munaıdy basqa munaı nysandaryna taratý ortalyǵynda bolǵan.
Bul Pemex kompanııasynyń eń iri shıki munaı óndirýshisi. Munda kúndelikti óndiriletin 40 mıllıon barreldiń 1,7 paıyzynan astamy óndiriledi.
Shildeniń basynda osy munaı óndirý keshenindegi Ku-Charly platformasynda sý astyndaǵy gaz qubyrynyń buzylýyna baılanysty órt boldy. Aldyn ala aqparat boıynsha, órttiń sebebi teńiz platformalary arasyndaǵy qubyrdaǵy retteýshi klapannan 78 metr tereńdikte kómirsýtek shyqqan. О́rt der kezinde sóndirilip, eshkim zardap shekken joq.