О́tken úsh kúnniń ishinde karantın talabyn buzǵan 44 mekeme jaýapqa tartyldy, dep jazady Egemen.kz.
22 tamyzda monıtorıngtik toptar qalanyń 5 kásipkerlik obektisinde karantın talaptary saqtalmaǵanyn anyqtady.
Esil aýdanynda belgilengen jumys rejımin «Panaehalı» bary men «Mıata» laýndj-bary buzǵan.
Saryarqa aýdanyndaǵy tártip buzýshylar tizimine «Brio» karaoke-bary men «Stambýl» klýby kirdi. Sondaı-aq karantındik sharalar Baıqońyr aýdanynda ornalasqan «Mafia» karaoke-barynda eskerilmedi.
Aıta ketý kerek, sońǵy úsh kúnde monıtorıngtik toptar qalanyń 44 kásipkerlik obektisinde sanıtarlyq normalar buzylǵanyn anyqtady.
Tártip buzýshylarǵa qatysty jınalǵan barlyq materıal sanıtarlyq-epıdemıologııalyq baqylaý salasyndaǵy ýákiletti organǵa berildi.
«Nur-Sultandaǵy epıdemıologııalyq jaǵdaı turaqty emes. COVID-19 vırýsynyń odar ári taralýyna jol bermes úshin qala qonaqtary men turǵyndaryna, sondaı-aq kásipkerlik obektilerine barlyq sanıtarlyq normalar men shekteý sharalaryn qatań saqtaý usynylady», dep jazady qala ákiminiń saıty.