Atyraýda balasynyń kózinshe áıeliniń arqasyna pyshaq suǵyp alǵan adam ustaldy, dep jazady Egemen.kz.
Kúdikti ustalyp, ýaqytsha ustaý ızolıatoryna qamaldy. Ol osyǵan deıin birneshe ret ákimshilik jaýapkershilikke tartylǵan.
«12 sáýirde QR ÁQBtK-tiń 73-baby 1-bóligimen ákimshilik hattama jasaldy. Is ákimshilik sotta qaraldy. Alaıda, erli-zaıyptylar sotta tatýlasyp, is toqtatyldy. Aǵymdaǵy jyldyń 24-shildesinde áıel kúıeýi ózin qorqytqanyn aıtyp, aryz berdi. Jábirlenýshiniń málimdemesi boıynsha «QR Qylmystyq kodeksiniń 115-baby boıynsha is qozǵaldy. Azamat áıeliniń ar-namysy men qadir-qasıetine nuqsan keltirgeni úshin úsh kúnge qamaýǵa alyndy», dedi polısııa.
QR Qylmystyq kodeksiniń 115-baby boıynsha tirkelgen qylmystyq is sotqa jiberiledi.
Oblystyq densaýlyq saqtaý basqarmasynyń baspasóz qyzmeti 22 tamyz kúni keshke 30 jastaǵy áıeldiń aýrýhanaǵa túskenin rastady. Habarlaýynsha, keýde tusynda pyshaq jaraqaty bolǵan.