Mektepter men basqa da oqý oryndarynda maska rejıminiń erejeleri bekitildi, dep habarlaıdy Egemen.kz.
Barlyq oqýshylar (stýdentter) maska rejımin saqtaýy kerek. Maskany tamaqtaný men dene shynyqtyrý sabaǵyna qatysýdan basqa kez kelgen ýaqytta kııý kerek.
«Betperde kııý tártibi «Jiti respıratorlyq vırýstyq ınfeksııalar, tumaý jáne olardyń asqynýlary (pnevmonııa), menıngokokk ınfeksııasy, COVID-19 koronavırýstyq ınfeksııasy, jelsheshek, skarlatına kezinde sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy uıymdastyrýǵa jáne júrgizýge qoıylatyn sanıtarııalyq-epıdemıologııalyq talaptar» sanıtarııalyq qaǵıdalaryn bekitý týraly» «(27 mamyr 2021 j. № QR DSM-47) sanıtarlyq erejelermen retteledi», dep habarlaıdy Almaty ákimdiginiń baspasóz qyzmeti.
Osylaısha, joǵaryda kórsetilgen Sanıtarlyq erejelerdiń 54-tarmaǵynda ashyq aspan astynda jáne halyqty qabyldaýǵa, qyzmet kórsetýge jáne demalýǵa arnalǵan bólmelerde, qoǵamdyq kólikterde medısınalyq nemese matadan jasalǵan betperde kııý mindetti ekeni jazylǵan. Erejeden:
- bes jasqa deıingi balalar;
- qoǵamdyq tamaqtaný oryndarynda tamaq iship otyrǵan adamdar;
- áleýmettik qashyqtyqty saqtaı otyryp, jeke, toptyq sportpen aınalysatyn adamdar ǵana bosatylǵan.