QR Indýstrııa jáne ınfraqurylymdyq damý mınıstrligi syrtqy naryqta úlken suranysqa ıe jeńil ónerkásip ónimderin atady, dep jazady Egemen.kz.
2021 jylǵy qańtar-mamyrda jeńil ónerkásip ónimderi eksportynyń kólemi 28,4 mln AQSh dollaryn qurady. Bul 2020 jyldyń sáıkes kezeńinen 8,5%-ǵa joǵary.
Eń kóp eksporttalatyn taýarlar:
- maqta-matadan jasalǵan tósek-oryndary (4,1 mln. AQSh dollary nemese 14,3%);
- jolaqtardan, polıetılennen nemese polıpropılennen jasalǵan ózge de qaptar men býyp-túıý paketteri (3,4 mln AQSh dollary nemese 12%);
- quramynda 85% jáne odan kóp maqta bar maqta-mata ıirim jibi (2,8 mln AQSh dollary nemese 10%);
- quramynda 85% nemese odan kóp maqta bar maqta-mata (2,7 mln AQSh dollary nemese 9,5%);
- ylǵal kúıdegi iri qara mal terisinen jasalǵan ılengen bylǵary nemese bylǵary krast (2,4 mln AQSh dollary nemese 8,5%).