Ashraf Ǵanı úkimeti kezinde Aýǵanstan baılanys mınıstri bolǵan Saıed Ahmad Shah Sadaat 2020 jyldyń sońynda elden ketken. Qazir ol Leıpsıgte kýrer bolyp jumys isteıdi, dep jazady Egemen.kz Leipziger Volkszeitung basylymyna silteme jasap.
Leipziger Volkszeitung málimeti boıynsha, Sadaat qarjylyq máselege baılanysty Lieferando kompanııasyna pıssa jetkizýshi bolyp jumysqa ornalasqan. Sondaı-aq ol Eýropanyń iri telekommýnıkasııalyq kompanııasy Telekom-da jumysqa isteýdi qalaıdy.
2018 jyldan bastap Sadaat eks-prezıdent Ashraf Ǵanı jasaqtaǵan Mınıstrler Kabınetiniń múshesi bolǵan. Ol aýyl turǵyndary úshin uıaly baılanys jelisin keńeıtýge jaýapty boldy.
2020 jyly Ashraf Ǵanı úkimeti Saadat Talıbanǵa qarsy kúrestiń úkimettik strategııasyn qoldana otyryp, óz agenttigine qarjy aýdarýdan bas tartqany úshin otstavkaǵa ketýge májbúr etti.
Nátıjesinde eks-mınıstr Germanııaǵa qonys aýdaryp, jańa ómir bastaǵan.