Kabýldaǵy ýkraın jáne basqa el azamattaryn evakýasııalaý kezinde belgisiz bireýler Ýkraına ushaǵyn basyp alyp, Iranǵa ushyp ketti. Bul týraly Ýkraına syrtqy ister mınıstriniń orynbasary Evgenıı Enın aıtty, dep habarlaıdy Egemen.kz.
Bul týraly «Gromadske radio» basylymy málimdedi.
Syrtqy ister mınıstriniń orynbasary ótken aptada Ýkraına syrtqy ister mınıstri Dmıtrıı Kýleba basqaratyn barlyq dıplomatııalyq qyzmet apattyq synaq rejıminde jumys istegenin aıtty.
«О́tken jeksenbide bizdiń ushaqty basqa adamdar basyp aldy. Seısenbi kúni ushaq urlandy - ol Ýkraına azamattaryn shyǵarýdyń ornyna, bortyna belgisiz jolaýshylardy otyrǵyzyp Iranǵa ushyp ketti», dedi Enın.
Onyń aıtýynsha, ýkraındardy evakýasııalaý boıynsha úsh áreket te sátsiz bolǵan. Sebebi adamdar áýejaıǵa jete almaǵan.Dúısenbi kúni keshke Aýǵanstannan kóshirilgen jolaýshylary bar úshinshi ushaq «Borıspol» áýejaıyna qondy, bortta 98 adam bolǵan, onyń ishinde 41-i Ýkraına azamaty. Ázirge Aýǵanstanda 50-ge jýyq Ýkraına azamaty bar ekeni aıtyldy.