Memleket basshysy Qasym-Jomart Toqaev kórnekti ǵalym Nádir Nádirovtiń otbasy men jaqyn týystaryna kóńil aıtty, dep habarlaıdy Egemen.kz.
«Kórnekti ǵalym, QR UǴA akademıgi, qoǵam qaıratkeri Nádir Nádirovtiń dúnıeden ótýine baılanysty kóńil aıtamyn.
Nádir Nádirov otandyq munaı hımııasynyń negizin qalaýshylardyń biri bolyp, Qazaqstannyń ǵylymı-ekonomıkalyq áleýetin arttyrý jolynda eńbek etti. Qoǵamdyq jumystarda da belsendi bolyp, elimizdegi ultaralyq kelisim men tatýlyqty nyǵaıtýǵa zor úles qosty.
Nádir Kárimulynyń jarqyn beınesi umytylmaı, esimi otandyq ǵylym tarıhyna altyn áriptermen jazylady», delingen Prezıdenttiń jedelhatynda.