Keshe Májilis Tóraǵasy Nurlan Nyǵmatýlınniń jetekshiligimen palatanyń kezekti jalpy otyrysy bolyp ótti. Otyrysty ashqan spıker Elbasy Joldaýy depýtattyq korpýs úshin zor jaýapkershilik júkteıtindigin erekshe atady.
Keshe Májilis Tóraǵasy Nurlan Nyǵmatýlınniń jetekshiligimen palatanyń kezekti jalpy otyrysy bolyp ótti. Otyrysty ashqan spıker Elbasy Joldaýy depýtattyq korpýs úshin zor jaýapkershilik júkteıtindigin erekshe atady.
Joldaýdyń «Qazaqstan-2050» uzaqmerzimdi strategııany júzege asyrý joldaryn ǵana emes, el damýynyń barlyq basym baǵyttary boıynsha naqty mindetterdi aıqyndaıtynyn jetkizgen palata Tóraǵasy Joldaýdan keıin Májilis bıýrosynda keshendi sharalar jospary qaralǵandyǵyn alǵa tartty. «Bul eń aldymen, ınnovasııalyq ındýstrııalandyrý salasyndaǵy zańnamany jetildirýge baǵyttalady. Sonyń birin biz osy otyrysta qaraıtyn bolamyz. Budan bólek, agroónerkásip keshenin jańǵyrtý, shaǵyn jáne orta bıznesti damytý, densaýlyq saqtaý salasyn jetildirý máseleleri, bilim men ǵylym, azamattardy áleýmettik qorǵaý salalaryndaǵy zańnamalar tıisti deńgeıde qamtamasyz etiledi», – dedi Nurlan Zaırollauly.
Budan keıin depýtattar kún tártibindegi máselelerdi qarady. «Innovasııalyq tehnologııalar parki» ınnovasııalyq klasteri týraly» jáne oǵan ilespe zań jobasy boıynsha baıandamany Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev jasady.
Mınıstr Qazaqstanda jańa tehnologııalardy damytatyn negizgi eki ınnovasııalyq klaster bolsa, sonyń bireýi «Nazarbaev Ýnıversıteti» ekenin tilge tıek etti. Al ekinshisi Almatydaǵy ınnovasııalyq tehnologııalar parki bolyp tabylady. Prezıdent Jarlyǵymen qurylǵan «Alataý» parki ındýstrııalandyrý aıasynda jańa qarqynmen jumys isteýge kiristi. Á.Isekeshevtiń sózine qaraǵanda, qazir damýdyń bir kezeńi aıaqtalyp, ekinshisi bastalǵan. Olaı bolsa, zań jobasy «Alataý» parkiniń damýyna oń yqpal etýi tıis. 2010 jyly Elbasy «Alataý» aqparattyq tehnologııalar parkiniń aldyna birqatar mindetter qoıǵan-dy. Sodan bergi tórt jylda atalǵan park belsendi damı túsken. Qazirgi tańda parkte jumys isteıtin 152 kompanııa tirkelip otyr. Shaǵyn jáne orta kompanııalardyń 70 paıyzy IT tehnologııasy boıynsha jumys isteýde.
Bul rette, ulttyq kapıtaldyń kólemi 10 paıyz ekendigi de atap kórsetildi. «Parkte 46 mlrd. teńgeniń jobalaryn júzege asyrý josparlanýda. Myńdaǵan joǵary bilikti jumys oryndary ashylady. Sonymen qatar, parkte qyzmet etip jatqan kompanııalar 2010 jyldan beri ózderine berilgen jeńildikterge qaramastan, salyq túrinde qazynaǵa 3 mlrd. teńgeden astam qarjy quıdy», – dedi Áset О́rentaıuly. Taǵy bir belgili bolǵany, 140 gektardy quraıtyn park aýmaǵyndaǵy ınfraqurylymdyq jáne ózge de jumystardy qamtıtyn ekinshi kezeń 2015 jyly tolyq aıaqtalýy tıis. Park aýmaǵynda qazir «Logıkom», «Qazaqtelekom», «KBTÝ», «QazMunaıGaz» jáne ózge de kompanııalar qurylys jumystaryna kirisip ketken.
Qosymsha baıandama jasaǵan Ekonomıkalyq reforma jáne óńirlik damý komıtetiniń múshesi Meıram Pishembaev zań jobalary 12 jumys tobynyń, komıtettiń keńeıtilgen jáne dóńgelek ústel otyrystarynda jan-jaqty talqyǵa salynǵandyǵyn jetkizdi. Palata tóraǵasy zań jobalary boıynsha bylaı dedi: «Innovasııa barlyq jańa ónerkásiptik óndiristiń negizi bolýy úshin ǵylymnyń, óndiris pen bıznestiń kúshin biriktirýge tıispiz. Zań jobasy osy maqsatty kózdep otyr jáne qujat jańa tehnologııalardy memlekettik qoldaýdyń tetigi bolyp tabylady».
Depýtattar birqatar saýaldar qoıyp, óz oılaryn ortaǵa salǵannan keıin zań jobalary birinshi oqylymda maquldandy. Jalpy, zań jobasy «Innovasııalyq tehnologııalar parki» ınnovasııalyq klasteriniń quqyqtyq mártebesin, «Innovasııalyq tehnologııalar parki» arnaıy ekonomıkalyq aımaǵyn basqarý erekshelikterin aıqyndaıdy. Bul rette, «Innovasııalyq tehnologııalar parki» arnaıy ekonomıkalyq aımaǵynyń basqarý organyn kommersııalyq emes uıymǵa – derbes klasterlik qorǵa qaıta uıymdastyrý kózdeledi. Parktiń derbes klasterlik qoryna sheteldik jumys kúshin tartýdyń jeńildetilgen rásimi belgilenedi ári tehnologııalar parkiniń áleýetti qatysýshylaryna qoıylatyn talaptar aıqyndalady. Jáne de «Innovasııalyq tehnologııalar parkin» damytý aıasynda ǵylymdy, bilimdi jáne óndiristi ıntegrasııalaý sharalary qarastyrylady. Irgeli jáne qoldanbaly ǵylymı zertteýdiń basym baǵyttaryn damytý kózdeledi.
Jalpy otyrysta, sondaı-aq, jańa redaksııadaǵy «Ishki ister organdary týraly» jáne oǵan ilespe zań jobalary ekinshi oqylymda qaralyp, maquldandy. Jańa redaksııadaǵy zań jobasy 9 bólimnen turady. Qujattyń basty baǵyttarynyń biri – qoǵamdyq baqylaýdy azamattardyń quqy men bostandyǵyn qorǵaýmen aınalysatyn ishki ister organdarynyń qyzmetine berý. Bul rette Ishki ister mınıstrliginiń jáne óńirlik ishki ister departamentteriniń janynan qoǵamdyq keńester qurylady. Jáne de ishki ister organdarynyń jumysyndaǵy arnaýly qaǵıdattardy qamtamasyz etý kózdelip otyr. Bular – adamnyń jáne azamattyń quqyǵyn saqtaý jáne syılaý, ashyqtyq, jarııalylyq, azamattyq qoǵam ınstıtýttarymen, buqaralyq aqparat quraldarymen jáne ishki ister organdarynyń biregeı júıesimen ózara is-qımylda bolý.
Zań jobasy ishki ister organdary qyzmetkerlerine azamattardy kýálik etýge májbúrleýge, kúsh qoldanýǵa jáne quqyqqa qaıshy áreketterge tikeleı tyıym salatyn normamen qamtylǵan. Qoǵamda keńinen talqyǵa túsken polıseılerdiń atys qarýyn qoldanýǵa qatysty máselesi de qarastyrylyp otyr. Qyzý pikirtalas týdyrǵan ishki ister organdary qyzmetkeriniń atý qarýyn eskertýsiz qoldaný quqyǵy qamtylǵan norma zań jobasynan alynyp tastalǵandyǵyn jetkizgen Májilistiń Zańnama jáne sot-quqyqtyq reforma komıtetiniń múshesi Nurlan Ábdirov tıisinshe ishki ister organdarynyń qyzmetkerleri birqatar áleýmettik kepildiktermen qamtamasyz etiletinine nazar aýdardy.
Asqar TURAPBAIULY,
«Egemen Qazaqstan».