Nur-Sultan qalasynyń Kólik jáne jol-kólik ınfraqurylymyn damytý basqarmasy eki kósheniń ýaqytsha jabylatynyn málimdedi, dep habarlaıdy Egemen.kz.
Bókeıhan kóshesinde jol tósemin ortasha jóndeý jumystary bastaldy. Osyǵan baılanysty 26-29 tamyz aralyǵynda Uly dala dańǵylynan bastap Ábish Kekilbaev kóshesine deıingi ýchaskede kólik qozǵalysy ishinara jabylady.
Sonymen qatar 27-31 tamyz aralyǵynda Syǵanaq kóshesinde Tóle bı kóshesinen E-306 kóshesine deıingi aralyqta kólik qozǵalysy toqtatylatyn bolady.
«Qala joldarynda keptelis týdyrmas úshin elorda turǵyndary men qonaqtary qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim ótinemiz jáne jóndeý jumystarynyń júrgizilýine túsinistikpen qaraýdy suraımyz», dep jazylǵan habarlamada.