Almatynyń Medeý aýdanynda taý bókterindegi qýraǵan shóp órtenip jatyr, dep habarlaıdy Egemen.kz.
Almaty qalalyq Tótenshe jaǵdaılar departamentiniń habarlaýynsha, órt sóndirý brıgadasy órttiń jaqyn mańda ornalasqan «Kompas» janarmaı quıý stansııasyna taralý qaýpiniń aldyn aldy.
«26 tamyz kúni keshki saǵat 20:50 mınýtta «101» pýltine kýágerlerden Medeý aýdanyndaǵy Tóle bı kóshesi men Shyǵys aınalma jolynda dalanyń qýraǵan shóbi órtenip jatqany týraly habar túse bastady. Oqıǵa ornyna TJD kúshteri men quraldary jumyldyryldy», dep habarlady departament.
О́rt sóndirý brıgadasy kelgen kezde taýdyń baýraıynda 1000 sharshy metrden astam qýraǵan shóp pen aǵash órtengeni anyqtaldy, qurǵaq ósimdikterdiń bıiktigi keı jerlerde 1,5 metrden asty.
«О́rtti sóndirý betkeılerdegi bıiktikterdiń kúrt ózgerýimen kúrdelene tústi, qabyldanǵan sharalardyń arqasynda ot 40 mınýt ishinde oqshaýlanyp, 21:41-de joıyldy. О́rtti sóndirýge tabıǵı órtterdi sóndirý boıynsha TJD jasaǵy, sondaı-aq quramynda 30 adam, 6 birlik tehnıka jumyldyryldy. О́rt qaýpiniń joǵary bolýyna baılanysty qala turǵyndary men qonaqtaryn ashyq otty paıdalanýdan, ot jaǵýdan, temeki shegýden jáne qurǵaq shóp pen orylǵan shópti órteýden bas tartýdy suraımyz! Kináli adamdar ákimshilik, al aýyr zardaptar týyndaǵan jaǵdaıda qylmystyq jaýapqa tartylady», dep jazylǵan habarlamada.