Keshe, ıaǵnı 26 tamyz kúni Jambyl oblysynyń Baızaq aýdany, Qaınar aýylynda ornalasqan elimizdiń Qorǵanys mınıstrliginiń # 28349 áskerı bóliminiń oq-dári qoımasy órtengen bolatyn, dep habarlaıdy Egemen.kz.
Atalǵan aýylda 250 turǵyn bar. Búginde azamattar tıisinshe evakýasııalandy. Oryn alǵan oqıǵaǵa baılanysty Jambyl oblysynyń ákimdigi resmı habarlama jasady. О́ńirdiń tótenshe jaǵdaılar, quqyq qorǵaý jáne medısına salasynyń ókilderi barynsha jumyldyrylǵan. Atalǵan máselege baılanysty qandaı da bir týyndaǵan suraqtar úshin arnaıy jeliler iske qosylǵan. Apat oryn alǵan aýmaqtan evakýasııalanǵan turǵyndarǵa arnalyp, oblys ortalyǵynan 400-den astam oryn daıyndalǵan. Qosymsha 1000-ǵa jýyq oryn daıyndaý múmkindigi qarastyrylǵan.
Jedel medısınalyq kómek kórsetý úshin 37 jedel járdem brıgadasy, onyń ishinde 3 medısınalyq avıasııalyq brıgada tartylǵan. Taǵy 1 brıgada Taraz qalasyndaǵy #5 mektepte kezekshilik etedi, al Taraz polıtehnıkalyq kolledjinde 1 brıgada jumys isteıdi. Baızaq aýdany, Bazarbaı aýylynan buǵan deıin 226 adam evakýasııalanǵan bolatyn.
27-tamyz kúngi saǵat 08:00-degi jaǵdaı boıynsha evakýasııa ortalyqtarynda jalpy 171 adam qalyp otyr, olarǵa qajetti jaǵdaı jasalyp, tańǵy as berildi.
Travmatolog, neırohırýrg, hırýrg, reanımatolog jáne basqalardy qosqanda 32 dáriger, 56 feldsher qyzmet atqarýda. Olar dári-dármekpen qamtamasyz etilgen.
Búgingi jaǵdaı boıynsha 28 adam aýrýhanada em qabyldasa, onyń ishinde 6 adam aýyr halde jatyr.
Jambyl oblysynyń biryńǵaı dıspetcherlik 109 qyzmetine barlyǵy 473 ótinish kelip túsken. «109» qysqa nomerine – 265 ótinish, «What`s app» messendjerine – 190 ótinish kelip túsken.
О́tinishterdiń kóbi turǵyndardyń evakýasııalanýy, áskerı bólimdegi qoımanyń jaǵdaıy boıynsha jáne taǵy da basqa jaǵdaılar boıynsha bolǵan.