Kabýl áýejaıy mańyndaǵy jarylystardan qaza tapqandardyń sany 100-den asty. Taǵy 150 kisi jaraqat alǵan, dep jazady Egemen.kz.
Bul týraly Aýǵanstan Densaýlyq saqtaý mınıstrligine silteme jasap amerıkandyq aqparat quraldary málimdedi. Lańkestikten 13 amerıkandyq jaýynger kóz jumyp, 15 sarbaz jaraqat alǵan. Tálipter shabýyl bolatynyn aldyn ala eskertkenin málimdep otyr. Eske sala keteıik, taıaýda Kabýldaǵy áýejaı mańynda eki jarylys boldy. Birinshi lańkestik jáıt, áýejaıǵa kiretin «Ebbı» qaqpasynyń aldynda júzege asyrylysa, ekinshi shabýyl «Baron» qonaq úıiniń janynda boldy. Eki shabýyldy da Irak jáne Levant lańkestik uıymynyń sodyrlary júzege asyrǵan. Oqıǵaǵa baılanysty AQSh prezıdenti Djo Baıden málimdeme jasap, Kabýl áýejaıynan adamdardy evakýasııalaý jalǵasa beretinin jetkizdi.
Lańkester bizdi toqtata almaıdy. Biz olarǵa mıssııamyzǵa kedergi keltirýge jol bermeımiz. Áýejaıdan adamdardy evakýasııalaý jalǵasa beredi. Men sondaı-aq Irak jáne Levant lańkestik uıymynyń nysandaryna soqqy berýge buıryq berdim. Sodyrlar mundaı áreketimen AQSh-ty qorqyta almaıdy, dedi AQSh Prezıdenti.Qazir Kabýldaǵy áýejaıdyń qaýipsizdigin 5 myń 200 amerıkandyq sarbaz qamtamasyz etip jatyr. Birneshe kún buryn Vashıngton jaýyngerlerin shyǵara bastaǵanyn málimdedi. Al resmı derekke qaraǵanda AQSh Aýǵanstanda 2001 jyldan beri 2 myń 500 sarbazynyn aıyrylypty.