2021 jyldyń 27 tamyzynda saǵat 18:02-de «101» pýltine Shymkent qalasy Qarataý aýdany Nursat-2 shaǵyn aýdanyndaǵy páterdiń janǵany týraly habarlama kelip tústi, dep jazady Egemen.kz Shymkent qalasy TJD resm saıtyna silteme jasap.
Shymkent qalasy TJD qoǵammen baılanys tobynyń málimetinshe, osy habarlama boıynsha 18 saǵat 03 mınýtta birinshi shaqyrtýdan keıin arnaıy mamandardan jasaqtalǵan top jiberildi.
Alǵashqy órt sóndirý eseptoptary 18 saǵat 15 mınýtta kelgen kezde 55 sh.m alańda syrtqy qaptama jáne 18 sh.m páterdegi ashana janyp jatqandyǵyn anyqtady. О́rttiń jalpy kólemi 73 sh.m qurady. Ýchaskelerdi sýmen jabdyqtaý jaqyn jerdegi órt gıdranttarynan júzege asyryldy.
18 saǵat 30 mınýtta órt oqshaýlanyp, 18 saǵat 48 mınýtta tolyǵymen sóndirildi. Qaýipsiz aımaqqa 28 adam, onyń ishinde 8 bala kóshirildi. Qaıtys bolǵandar men zardap shekkender joq. О́rttiń sebebi men materıaldyq zalaldyń mólsheri anyqtalýda. О́rtti sóndirýge TJD 28 qyzmetkeri men 7 tehnıkasy jumyldyryldy.