Baızaq aýdany aımaǵynda jarylys saldaryn joıý jáne zardap shekken nysandardy qalpyna keltirý jumystaryna medısınalyq, quqyq qorǵaý jáne basqa da qyzmetterdiń birneshe myń qyzmetkeri jumyldyryldy, dep habarlaıdy Egemen.kz.
Ulttyq ulannyń áskerı qyzmetshileri beıbit turǵyndardy evakýasııalaý kezinde joǵalǵan balalardy tapty.
«27 tamyz kúni tańerteń Baızaq aýylynda qyzmet atqarý kezinde 5513 áskerı bóliminiń jasaqtary patrýldeý baǵyty boıynsha jyljydy. Qatardaǵy patrýlshi N.Saqtapbergen eki jasar balany baıqady. Bala ata-anasyz kóshe kezip júrdi. Izdestirý sharalaryn júrgizý barysynda balanyń ata-anasy tabyldy, olar áskerı narıadqa alǵystaryn bildirdi», dedi QR Ulttyq ulany «Ońtústik» óńirlik qolbasshylyǵynyń baspasóz qyzmeti.
Qazirgi ýaqytta oqıǵa ornynda Ulttyq gvardııanyń 5513 áskerı bóliminiń qyzmetshileri jarylys saldaryn joıýǵa, jarylǵysh zattardy izdeýge belsendi qatysyp, turǵyndardy evakýasııalaýǵa jáne qoǵamdyq tártipti saqtaýdy qamtamasyz etýge kómektesý ústinde. QR Ulttyq gvardııasynyń áskerı dárigerleri jergilikti turǵyndar men zardap shekkenderge alǵashqy medısınalyq kómek kórsetip jatyr.