Jambyl oblysynda jarylystan qaza tapqan azamattyq qorǵaý polkovnıgi Meıirjan Aımanovty sońǵy saparǵa shyǵaryp saldy, dep habarlaıdy Egemen.kz Habar-24-ke silteme jasap.
О́rt sóndirýshi áskerı qoımadaǵy qyzyl jalyndy aýyzdyqtaý kezinde bolǵan, joıqyn jarylystan qaza tapqan. Onyń artynda ata-anasy, 5 balasy, jary, baýyrlary qaldy. Meıirjan – Aımanovtar áýletiniń úlkeni bolatyn.
«Oryndalmaǵan armandary kóp edi. Tym erte ketti. Janymdy aıtqyzbaı uǵatyn qulynym edi» deıdi etegi jasqa tolǵan anasy Aıtkúl Aımanova.
«Jetige qaraı men onymen habarlastym. «Balam, jumysyń bitti me? Qaıdasyń? - dep edim «Mama, órt sóndirýge ketip baramyn» dedi. Ol jarylys bolatynyn bilgen de joq. О́rtti sóndire bastaǵan kezde jarylǵan ǵoı. Balalardyń bári ushyp-ushyp ketti. Ol 1-2 balany qutqarypty. О́zi qaıtadan qalǵan balalarǵa kirip ketipti. Sodan shyqpady ǵoı», dedi Aıtkúl Aımanova.
Meıirjan jaqynda ǵana 45 jasqa tolǵan edi. О́mir boıy órt sóndirý salasynda eńbek etip, polkovnık shenine deıin ósti. «Adaldyq pen ádildikti jany qalaıtyn. Álsizge qamqor, jalǵandyqqa jany qas bolatyn. Kishkentaıynan sportty serik etti» deıdi birge ósken synyptas dostary.
«Meıirjandy kishkentaıynan bilemiz, sol kezde boıynda qaırat bar edi. Álsizderge jaqtasyp, qorǵap júretin edi. Tóbemizden jaı túskendeı bop otyrmyz. «Endi ómir súrip, bala-shaǵany ósirip, qyzyǵyn kóremin ba» degende qyrshynynan ketip otyr», deıdi MeıirjanAımanovtyń synyptasy Elmıra Izmaǵambetova.