IýNESKO-da Aýǵanstandaǵy oqıǵalardy muqııat baqylap, eldiń baı mádenı murasyn saqtap qalý úshin qoldan keler barlyq áreketter jasalýda, dep habarlaıdy Egemen.kz BUU-nyń resmı saıtyna silteme jasap.
Eske salsaq, 20 jyl buryn, ıaǵnı 2001 jyldyń aqpan aıynda tálipter Aýǵanstannyń ortalyq bóligindegi Bamıan ańǵaryndaǵy Býddanyń eki alyp músinin jaryp jibergen bolatyn. Tálipter bul músinderdi «putqa tabyný» nysandary dep atady.
Bizdiń dáýirimizdiń VI ǵasyrynda tasqa oıyp jazylǵan Bamıan músinderi IýNESKO-nyń Dúnıejúzilik murasy tizimine engizilgen edi. Uıymnyń Bas dırektory Odre Azýle Aýǵanstandaǵy mádenı murany saqtaý salasynda jumys isteıtin mamandardyń qaýipsizdik jaǵdaıyn qurý qajettiligin atap ótti. Ol mádenı eskertkishterdi saqtap qalýǵa árekettenip júrgen mamandar Aýǵanstannyń ulttyq birligi men áleýmettik qurylymyn qoldaýda mańyzdy ról atqaratynyn aıtty.
Aıta keteıik, Aýǵanstanda ejelgi Gerat, Mınaret qalasy, Djemdegi arheologııalyq qazbalar, Bamıan ańǵaryndany mádenı landshaft, sondaı-aq Kabýldaǵy Ulttyq murajaı sııaqty mádenı baı nysandar bar.