О́zbekstannyń Syrtqy ister mınıstrligi "О́zbekstan tálipterden qashqan aýǵan halqyna shekarasyn ashýǵa" daıyn degen aqparatty joqqa shyǵardy, dep habarlaıdy Egemen.kz Sputnik О́zbekstan telegram kanalyna silteme jasap.
Mınıstrlik málimetinshe, qazirgi ýaqytta shekara jabyq jáne «Termez» ótkizý beketi arqyly qurlyqtan ótý toqtatyldy, sonymen qatar el aýmaǵy arqyly tranzıtpen júrgen Aýǵanstan azamattary men sheteldikterdi evakýasııalaý tek áýe jolymen júzege asyrylady.
«Shekaradan ótýge jasalǵan kez kelgen áreket sebebine qaramastan О́zbekstan Respýblıkasynyń zańnamasyna sáıkes jaýapqa tartylady. Sońǵy 12 kún ishinde О́zbekstan birqatar memleketke evakýasııa úshin gýmanıtarlyq operasııalardy júzege asyrýǵa kómektesti», delingen habarlamada.
Vedomstvo Aýǵanstannyń ishki isterine aralasýdy jáne óz aýmaǵynda aýǵan bosqyndaryn qabyldaýdy josparlamaǵanyn aıtty. «Syrtqy ister mınıstrligi О́zbekstan Respýblıkasy óz aýmaǵynda aýǵan bosqyndaryn qabyldamaıtynyn, tranzıt kezinde járdem kórsetetinin taǵy da málimdeıdi. О́zbek tarapy Aýǵanstanmen dástúrli dostyq jáne tatý kórshi qarym-qatynastaryn qoldaýǵa jáne kórshi eldiń ishki isterine aralaspaý qaǵıdattaryna berik ekenin taǵy da aıtamyz», dedi ózbek SIM ókili.Aýǵanstandaǵy jaǵdaı shıeleniskennen keıin О́zbekstan bosqyndardy kórshi memleketten evakýasııalaý tizbeginde aıaldama retinde áreket etedi. Germanııadan basqa EO azamattaryn Tashkent arqyly, Polsha úkimeti Navoı áýejaıy arqyly, Vengrııa Úkimeti Buhara áýejaıy arqyly óz elderine evakýasııa jasaıdy.