Jambyl oblysynda oq-dáriler qoımasyndaǵy órt bolǵan jerden tabylǵan 3 máıittiń jeke basy anyqtaldy, dep habarlaıdy Egemen.kz.
Olar:
1-shi - QО́SB qyzmetkeri-júrgizýshisi, aǵa serjant Ǵafan Jomartuly Qýatbek, 1995 jyly týǵan;
4-shi - О́SB órt sóndirýshi-qutqarýshysy, serjant Ádilet Qanatbekuly Ádilbek, 1987 jyly týǵan;
4-shi - О́SB órt sóndirýshi-qutqarýshysy, qatardaǵy jaýynger Álibı Beksultanuly Keńes, 1999 jyly týǵan.
Esterińizge salaıyq, 26 tamyz kúni keshki ýaqytta Jambyl oblysynyń áskerı bólimindegi qoımalardyń birinde jarylys boldy. Nátıjesinde jalpy sany 15 adam qaza taýyp, 100 shaqty adam jaraqat aldy.
Qaza tapqandardyń jartysy áskerıler bolsa, qalǵany - órt sóndirýshiler.