Memleket basshysy Qasym-Jomart Toqaev Qorǵanys mınıstri Nurlan Ermekbaevtyń qyzmetten bosatý jónindegi raportyn qarastyryp, onyń ótinishin qabyldady. Bul týraly Prezıdenttiń baspasóz hatshysy Berik Ýálı feısbýkte jazdy, dep habarlaıdy Egemen.kz.
Mınıstrdiń otstavkaǵa ótinish berýine 26 tamyzda Jambyl oblysynyń Baızaq aýdanyndaǵy áskerı bólim qoımalarynyń birindegi joıqyn jarylys sebep bolǵan syńaıly. Sońǵy málimet boıynsha, Jambyl oblysyndaǵy jarylystan 15 adam qaza tapqan.
«Qazirgi ýaqytta basty maqsatym - apattyń saldaryn tez arada joıý. Al sizderdi otstavka máselesi qyzyqtyratyn bolsa, onda men osy habardy estigennen keıin birinshi mınýtta ózim úshin sheshim qabyldadym. Men otstavkaǵa ótinish beremin, otsavkaǵa jiberýin suraımyn. Al qalǵanyn joǵarǵy basshylyq sheshedi», degen bolatyn Nurlan Ermekbaev buǵan deıingi suhbatynda.