Kókshetaýda Elbasy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýyn talqylaýǵa arnalǵan oblystyq májilis bolyp ótti.
Kókshetaýda Elbasy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýyn talqylaýǵa arnalǵan oblystyq májilis bolyp ótti.
Onyń jumysyna oblystyq máslıhattyń depýtattary, qalalar men aýdandardyń ákimderi, máslıhat hatshylary, «Nur Otan» partııasy aýdandyq fılıaldary tóraǵalarynyń orynbasarlary, oblystyq mekemelerdiń, joǵary oqý oryndarynyń basshylary, bıznes ókilderi, úkimettik emes uıymdar men etnomádenı birlestikterdiń jetekshileri, jýrnalıster qatysty.
– Qazaqstan Respýblıkasynyń Prezıdenti Nursultan Ábishuly Nazarbaevtyń Qazaqstan halqyna arnaǵan bıylǵy Joldaýy – tarıhı mańyzy zor jáne jarqyn bolashaqqa arnalǵan basty memlekettik baǵdarlama, –dep atap kórsetti Aqmola oblysynyń ákimi Qosman Aıtmuhametov. – Elbasy qalyptasqan memleketimizdiń aldyna 2050 jylǵa deıin álemdegi aıryqsha damyǵan otyz memleketpen terezesi teń tirshilik keshýimizdi mindettedi. «Máńgilik Eldiń» basty muraty da osy. Bul barsha qazaqstandyqtar sııaqty, bizdiń jerlesterimizge jiger-qýaty mol jaýapkershilik júkteıdi ári keleshegimizdiń kemeldigine shúbá keltirmeıdi. О́ıtkeni, onyń uzaqmerzimdi jáne aldaǵy jeti besjyldyqqa kestelengen basymdyqtary otandastarymyzdy aıqyn mindet, abyroıly jolǵa bastaıdy.
Oblys ekonomıkasyndaǵy jańa baǵyttar men serpindi damý ortaq maqsattaǵy úlesimizdiń salmaqtylyǵyn aıqyndaıdy. Aldyn ala esepter boıynsha, 2013 jyly 938 mıllıard teńgeniń jalpy ónimi óndirilip, belgilengen meje 105,9 paıyzǵa oryndaldy. Muny aýyl sharýashylyǵyndaǵy (135,7 paıyz), saýda (118,7) jáne kólik tasymalyndaǵy (107) joǵary tabystarmen baılanystyramyz. Áıtkenmen, Elbasy tapsyrmalaryn oryndaý úshin qarqyndy eseleı túsýdiń qosymsha sharalary qarastyrylyp, rezervter men qarjynyń tıimdi jumsalýy qatań baqylaýda ustalady.
Bıyl el ekonomıkasyn ındýstrııalandyrýdyń birinshi besjyldyǵy aıaqtalyp, ındýstrııalyq-ınnovasııalyq damýdyń ekinshi kezeńine qýatty negiz qalanady. Baǵdarlama qolǵa alynǵannan bastap óńirde 102 mıllıard teńgeniń 39 nysany iske qosylyp, 4,5 myńnan astam turaqty jumys oryndary quryldy. Al 2014 jyly 115,8 mıllıard teńgege baǵalanǵan 11 jobany júzege asyrý josparlanyp otyr. Munda eksporttyq baǵyttaǵy kásiporyndar qurylysyna erekshe nazar aýdarylady. Bul oraıda, 2013 jyly shıkizatqa jatpaıtyn eksporttyq taýarlar aýqymy 50 paıyzǵa jetip, respýblıkalyq ortasha kórsetkishten 2 ese asyp túskeni atap ótildi. Biraq, álemdik rynoktaǵy ýran men altynǵa qatysty jaǵdaıdyń ózgerýi jańa eksporttyq pozısııalarǵa basymdyq berýdi talap etýde. Baıandamashy bul rette azyqtyq, sýsyn jáne hımııa ónimderiniń kólemin arttyrý qajettigin aıtty.
Atqarylar mindetterdiń aýqymdylyǵyn eske salǵan oblys ákimi barlyq deńgeıdegi ákimderge, kásiporyndar men sharýashylyq basshylaryna, qoǵamdyq birlestikterge jeti baǵyttan turatyn negizgi mindetterdi saralap kórsetti. Baıandama «Bizdiń paryzymyz – «Mángilik El» ıdeıasyn ustanyp, bilim men ǵylymdy, mádenıet pen ónerdi, densaýlyq saqtaý men salamatty ómir saltyn damyta otyryp, básekege qabiletti ultqa aınalý», degen jigerli ekpinmen aıaqtaldy.
Baıandama boıynsha qyzý talqylaý júrip, oǵan Parlament Senatynyń depýtaty Jabal Erǵalıev, «Rodına» Agrofırmasy» JShS bas dırektory, Qazaqstannyń Eńbek Eri Ivan Saýer, «Dastarhan» JShS dırektory, oblystyq máslıhattyń depýtaty Elena Mashınskaıa, «Novopek» JShS-niń dırektory Borıs Pısarev jáne basqalar qatysty.
Baqbergen AMALBEK,
«Egemen Qazaqstan».
Aqmola oblysy.