Aqtaý – kóship kelýshilerdiń sany ortaımaı kele jatqan qala. Sondyqtan qalada jańa úıler qurylysy qarqyn alyp tur. Tipti Aqtaý – oblysta turǵyn úı qurylysy boıynsha aldyńǵy orynda.
Aqtaý qalasynda jýyrda qos merekege – el Táýelsizdiginiń 30 jyldyǵy aıasynda jáne Konstıtýsııa kúnine oraı 18-shaǵyn aýdanda ornalasqan 4 turǵyn úı paıdalanýǵa berildi. 180 páterden turatyn úı «Nurly jer» memlekettik baǵdarlamasy aıasynda boı kótergen. Kilt tapsyrý rásimine Aqtaý qalasynyń ákimi N.Qılybaı qatysyp, baspanaly bolǵan azamattardy qonys toımen quttyqtady.
– Qalamyzda memleket qoldaýy arqyly baspanaly bolyp, qonys toıyn toılaıtyndar sany artyp keledi. Osy jazda «Aqqý-3» turǵyn úı kesheninen 443 páter berilip, qýanyshqa kýá boldyq. Búgin mine, jalpy aýdany 10 150 sharshy metr bolatyn jańa turǵyn úıdi paıdalanýǵa berýdemiz. Merekemen tuspa-tus kelgen qonys toılaryńyz qutty bolsyn! Shańyraqtaryńyz shattyqqa toly bolyp, bereke-birligimiz arta bersin, dedi qala basshysy.
Is-sharaǵa jınalǵandar tolyq emes otbasy Medına Alagózovanyń jańa shańyraǵynda bolyp, dám tatty. Jańa qonystyń alǵashqy qonaǵy bolǵan aýyl aqsaqaldary bata berdi. Keler jyly 19A jáne 18-shaǵyn aýdandarynda kóppáterli 9 turǵyn úıdi paıdalanýǵa berý josparlanýda.
Osylaısha óńirde qonys toıyn toılaýshylar sany artpaq.