«Egemen Qazaqstan» gazetinde uzaq jyldar qyzmet istegen, belgili aqyn, talantty jýrnalıst, Halyqaralyq «Alash» ádebı syılyǵynyń laýreaty Qorǵanbek Amanjoldyń bas basylymda úsh-tórt jyl buryn jaryq kórgen «Qazaq qazynasy» degen maqalasy Bilim jáne ǵylym mınıstrligi usynǵan Jalpy bilim beretin mekteptiń toǵyzynshy synybyna arnalǵan «О́zin-ózi taný» oqýlyǵyna enipti.
Qarymdy qalamger atalǵan maqalada rýhanı qazyna týraly oı tolǵaı kelip: «Qazaq danalyǵyndaǵy jeti qazyna qatarynan aqyl-parasat pen peıil-kóńildiń oıyp turyp oryn alýy beker emes. Bajaılap úńilsek, baılyqtyń keni – adamnyń ózi, onyń jan-júregi eken. «Júrekte kóp qazyna bar, bári jaqsy, Teńizdiń túbindeı-aq qarap baqshy. Sol júrekten jylylyq dostyq penen bulaqsha aǵyp ǵalamǵa taramaqshy» deıtin Abaı ǵaqlııasy da osyǵan saıady» dep jazady.