Elordadaǵy Baıqońyr aýdany Ýálıhanov kóshesinde ornalasqan «Tulpar» saýda úıinde órt shyqty, dep habarlaıdy Egemen.kz.
Búgin saǵat 07:36 mınýtta elordalyq О́rt sóndirý qyzmetiniń «101» pýltine Baıqońyr aýdany Ýálıhanov kóshesi 24 «Tulpar» saýda úıinde órt oryn alǵany týraly habarlama kelip tústi.
№3 shaqyrtý dárejesi belgilenip, órt sóndirý esepteriniń kelip jetýi kezinde 4 qabatty saýda úıdiń eń joǵary 4-shi qabatynda ornalasqan saýda býtıkteriniń órtenip jatqany anyqtaldy. О́rt sóndirý jedel shtaby qurylyp, 2 jaýyngerlik ýchaskege bólingen.
«Qazirgi sátte órt ornynda elordalyq TJD-nyń 19 tehnıkasy jáne jeke quramnyń 71 adamy jumyldyrylǵan. Zardap shekkender men qaza bolǵandar joq», delingen atalmysh departamenttiń habarlamasynda.