«Máńgilik El» – ulttyq ıdeıa, ata-babalarymyzdyń armany, álemniń damyǵan 30 eliniń qataryna ený jospary, halyqtyń joǵary turmys deńgeıi, birlik pen tutastyq, jańa qazaqstandyq patrıotızmniń ózegi bolyp tabylady. «Máńgilik El» ulttyq ıdeıasy búkil Qazaqstan halqyn biriktirýshi ári uıystyrýshy rýhanı kúsh jáne áleýet. Alǵa qoıylǵan osyndaı tarıhı maqsattar men mindetterdiń qıyndyǵy jáne kúrdeliligin eskere otyryp, osy negizdegi bolashaqtyń tabystarynyń ıgiligin kóretin jastar ekendigin aıqyn sezinip, M.Áýezov atyndaǵy OQMÝ stýdentteri «Máńgilik El» jastar qozǵalysyn qurdy.
«Máńgilik El» – ulttyq ıdeıa, ata-babalarymyzdyń armany, álemniń damyǵan 30 eliniń qataryna ený jospary, halyqtyń joǵary turmys deńgeıi, birlik pen tutastyq, jańa qazaqstandyq patrıotızmniń ózegi bolyp tabylady. «Máńgilik El» ulttyq ıdeıasy búkil Qazaqstan halqyn biriktirýshi ári uıystyrýshy rýhanı kúsh jáne áleýet. Alǵa qoıylǵan osyndaı tarıhı maqsattar men mindetterdiń qıyndyǵy jáne kúrdeliligin eskere otyryp, osy negizdegi bolashaqtyń tabystarynyń ıgiligin kóretin jastar ekendigin aıqyn sezinip, M.Áýezov atyndaǵy OQMÝ stýdentteri «Máńgilik El» jastar qozǵalysyn qurdy.
«Máńgilik El» jastar qozǵalysynyń maqsaty – «Qazaqstan-2050» Strategııasynda qoıylǵan maqsattar men mindetterdi belsendi túrde júzege asyrýǵa óz zamandastaryn tartý jáne olardyń áleýmettik-mádenı deńgeıin kóterý arqyly, patrıottyq sezimderin qalyptastyrý, Qazaqstan halqynyń salt-dástúri men mádenıetin saqtaý, ultaralyq tatýlyq pen dinaralyq toleranttylyqty nyǵaıtý, sonymen qatar jastar men stýdentterdiń tereń bilimge, zamanaýı ǵylymǵa jáne ulttyq tárbıege qushtarlyǵyn arttyrý jolynda jumystar atqarý arqyly Elbasynyń bastamalaryna qoldaý kórsetý. Ýnıversıtet jastary kásipkerlik, ǵylym men bilimniń jańa álemdik deńgeıdegi jetistikterin meńgerý arqyly, ózderiniń bar aqyl-oıy men kúsh-qýatyn «Máńgilik El» ulttyq ıdeıasyna súıene otyryp, Táýelsizdigimizdi nyǵaıtatynyna kámil senimdi. «Qazaqstan jastary óz daryndylyǵy, iskerligi jáne jańashyldyǵymen erekshelenedi. Olar barlyq qıyndyqtardy jeńýge daıyn. Bizdiń qozǵalysymyz osy baǵytta jastarymyzdyń arasynda jańa serpilis týdyrýǵa negiz bolady dep sanaımyz», deıdi olar.
Oralhan DÁÝIT,
«Egemen Qazaqstan».
Ońtústik Qazaqstan oblysy.