WBC nusqasy boıynsha ekinshi jeńil salmaqtaǵy álem chempıony meksıkalyq Oskar Valdes dopıngke erikti testileý qaýymdastyǵynyń antıdopıngtik testinen súrindi. Boksshynyń aǵzasynan tyıym salynǵan preparat fenetermın tabylǵan, dep habarlaıdy Egemen.kz Sports.kz-ke silteme jasap.
Búkilálemdik boks keńesiniń (WBC) ókilderi atalǵan jaǵdaı boıynsha zertteý sharalary aıaqtalmaıynsha, qandaı da bir túsinikteme berýden bas tartty.
Osy arada AQSh-tyń Arızona shtaty, Týson qalasynda Casino Del Sol-da 10 qyrkúıekke josparlanǵan Oskar men brazılııalyq Robson Konseısan arasyndaǵy jekpe-jektiń taǵdyry belgisiz bolyp otyr.
Eske sala ketsek, Oskar osy jyldyń 20 aqpanynda ekinshi jeńil salmaqta chempıon beldigin jeńip aldy. Ol onynshy raýnda óziniń otandasy Mıgel Bercheltany nokaýtqa jibergen bolatyn.