Elorda ákimdigi kómir ónimderine baǵanyń ósýine jol bermeý týraly memorandým jasasty, dep jazady Egemen.kz.
Osy memorandýmdarǵa sáıkes kómirdiń ortasha baǵasy belgilendi:
Shubarkól - tonnasyna 13 200 tg;
Qarajyra - tonnasyna 13 500 tg;
Maıkóbe - tonnasyna 12 000 tg;
Bogatyr kómiri - tonnasyna 9 500 tg.
Kómirdi kelesi mekenjaılar boıynsha satyp alýǵa bolady:
- Gersen kóshesi, 4/1- qarajyra sorty, qarajyra tutynýshysy;
- Sorokovaıa stansııa - qarajyra sorty, qarajyra tutynýshysy;
- Gersen kóshesi, 6/2 – usaq bogatyr, maıkóbe, qaraǵandylyq jalyn, qarajyra, shubarkól sorty;
- Kóktal, 28/1 - maıkóbe;
– Jubanov k-si, 35 - shubarkól;
- Kóktal, 28/2 - shubarkól;
- J. Jabaev kóshesi, 68 - qarajyra sorty;
– Maqat k-si, 40 - qarajyra sorty, qarajyra;
- Gersen kóshesi, 6B - bogatyrskıı, qarajyra, jalyn, maıkóbe;
- Sorokovaıa stansııa - shubarkól.
«109 nómiri boıynsha «jedel jeli» quryldy, ol arqyly qala turǵyndary kómirdiń quny men qorlary týraly bile alady. Bul aqparat kún saıyn jańartylyp otyrady. Ákimdik kún sýyǵanda qarbalas bolmas úshin qala turǵyndaryn otyndy aldyn ala satyp alýǵa shaqyrady.
Sondaı-aq búgingi kúni qalada gazdandyrý boıynsha jumystar belsendi júrgizilip jatqanyn habarlaımyz. «Kóktal-1», «Kóktal-2», «Jeleznodorojnyı» t / a, «Agroqalashyq» bóligine gaz berý tolyq qamtamasyz etildi. Ishki jelilerdi júrgizgen turǵyndar úılerin gazǵa qosý úshin «QazTransGaz Aımaq» AQ-ǵa ótinim berýi qajet.
Osy jyldyń qarasha aıyna deıin «Iýgo-Vostok», «Promyshlennyı», «Agroqalashyq» TM-de (2020 jyly gazǵa qosylmaǵan bólik) gaz berýdi qamtamasyz etý josparlanýda. «QazTransGaz Aımaq» AQ aqparaty boıynsha bıyl «Kúıgenjar», «Mıchýrıno», «Internasıonalnyı» TM-de gazdy iske qosýdy qamtamasyz etý josparlanyp otyr», dep jazady qala ákiminiń baspasóz qyzmeti.