Aqmola oblysynyń prokýratýrasy jıyrma páterdi memleketke qaıtardy. Tekserý bul baspanalar zańsyz berilgenin anyqtady, dep habarlaıdy Egemen.kz.
«Kókshetaý qalasynda bıýdjettik mekeme qyzmetkeri 2017 jyly memleketten alǵan páterdi úshinshi tarapqa jalǵa bergeni anyqtaldy. Kókshetaý prokýratýrasynyń baqylaý aktisi boıynsha ol adamdar páterdi bosatty jáne baspana kópbalaly otbasyǵa berildi», dep habarlady oblystyq prokýratýra.
Aqmola oblysynyń Astrahan aýdanynda 2017 jyly bıýdjettik mekeme qyzmetkerine memleketten páter berilgen. Alaıda 2020 jyly ol adam mura boıynsha basqa baspanaǵa ıe bolǵan. Ol jyljymaıtyn múlikti óz atyna tirkegen.
«Búgingi kúni memleket usynǵan baspana 11 jyl boıy kezekte turǵan jetimge berildi», delingen prokýratýra habarlamasynda.
Tekserý qorytyndysy boıynsha memleketke barlyǵy 20 páter qaıtaryldy. Jaqyn ýaqytta ol baspanalar eń aldymen halyqtyń áleýmettik osal toptary arasynda bólinbek.