Qazaqstan Syrtqy ister mınıstriniń birinshi orynbasary Shahrat Nuryshev Mońǵolııa Elshisi Lývsan Battýlgamen onyń dıplomatııalyq mıssııasynyń aıaqtalýyna oraı kezdesý ótkizdi, dep jazady Egemen.kz.
Kezdesý barysynda taraptar Qazaqstan-Mońǵolııa yntymaqtastyǵynyń jaǵdaıy men damý perspektıvalaryn talqylady.
Mınıstrdiń birinshi orynbasary eki el arasyndaǵy saıası dıalogtyń, saýda-ekonomıkalyq, ınvestısııalyq baılanystardyń jáne gýmanıtarlyq qatynastyń údemeli damýyn atap ótti. Mońǵol tarapyna Qazaqstannyń BUU, ShYU, AО́SShK jáne basqa da halyqaralyq uıymdar sheńberindegi bastamasyna qoldaý kórsetkeni úshin rızashylyǵyn bildirdi.
Taraptar aǵymdaǵy jyly Qazaqstan men Mońǵolııa arasyndaǵy saýda-ekonomıkalyq yntymaqtastyqtyń oń qarqynyna kóńili toltanyn atap ótti jáne ekijaqty úkimetaralyq komıssııa jumysynyń tıimdiligin odan ári arttyrýǵa kelisti.
Kezdesý sońynda Sh.Nuryshev Mońǵolııa Elshisine Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi atynan qurmet gramotasyn tabystap, ekijaqty yntymaqtastyqty damytýǵa úles qosqan jemisti qyzmeti úshin alǵys bildirdi.