Ońtústik Sýdan úkimeti ereýilshilermen beıbit kelisimge keldi. Bul týraly 24.kz habarlady.
Efıopııa astanasy Addıs-Abeba qalasynda Shyǵys Afrıkanyń damýyna arnalǵan úkimetaralyq uıym bastamasymen ótkizilgen kelissózde taraptar bir aı boıy jalǵasyp kele jatqan qııan-keski urystardy toqtatýǵa ýaǵdalasty. Birneshe kún buryn atalǵan uıym ókilderi bitimgershilik operasııasy aıasynda Ońtústik Sýdanǵa 5,5 myń sarbaz jiberetinin málimdegen edi.
Esterińizge sala keteıik, Sýdandaǵy ultaralyq qaqtyǵys bir aı buryn bastalǵan bolatyn. Elde ústemdik etip otyrǵan dınka taıpasy, onyń basshysy Salvatore Kıır, sonymen qatar, nýer taıpasy men onyń kósemi Rıek Machar bılik úshin ózara kúreske tústi.
Lenta.ru saıtynyń habarlaýynsha, 2011 jyly Sýdannan táýelsizdik alǵan Ońtústik Sýdan memleketindegi azamattyq soǵystan birneshe myń adam qaza tapqan. Al BUU mundaǵy 400 myń beıbit turǵynnyń úılerin tastap, shetel asyp ketýge májbúr bolǵanyn málimdegen edi.
«Biz qarýly qaqtyǵystardy doǵarý týraly kelisimge qol qoıdyq. Biraq, eldegi atys-shabysty toqtatý qıyn bolady, óıtkeni kóterilisshilerdiń kóbisi qarapaıym turǵyndar. Olar áskerı tártipti, erejeni bile bermeıdi. Dál osy azamattardyń buıryqqa kónbeýi múmkin dep qorqamyn», – deıdi Ońtústik Sýdan úkimeti delegasııasynyń jetekshisi Nıal Deng. Aıdar О́risbaev.
Derekkóz: 24.kz
Foto: Lenta.ru