«Qazposhta» AQ-nyń jańa bond qoımasy qanatqaqty rejimde júkterdiń birinshi partııasyn óńdep úlgerdi. Ulttyq poshta operatory qyrkúıek aıynyń ortasyna qaraı óńdeýge 100 tonnaǵa deıin poshta jóneltilimderin qabyldaı otyryp, qoımany tolyq qýatyna shyǵarýdy josparlap otyr. Jańa bond qoımasy «Qorǵas - Shyǵys qaqpasy» erkin ekonomıkalyq aımaǵynyń aýmaǵynda ornalasqan.
Qazposhtanyń Bond qoımasy arqyly alys shetelderge poshta jóneltilimderin jóneltý jáne qabyldaýmen qatar EAEO elderine tranzıttik júkterdi óńdeý júzege asyrylady. Bul óz kezeginde Qazaqstannyń tranzıttik áleýetin damytýǵa múmkindik beredi. Búgingi tańda qazaqstandyq bondtyń qyzmeti Reseı, О́zbekstan, Qyrǵyzstan, Ázerbaıjan elderi tarapynan suranysyna ıe. Sonymen qatar Qazposhta iri qytaılyq logıstıkalyq kompanııalarmen kelisimge qol jetkizdi. Seriktes poshta ákimshilikterimen jasalǵan ýaǵdalastyqtar tikeleı taýar aǵyny kólemin ulǵaıtýǵa múmkindik beredi dep josparlanýda.
Bond qoımasynda taýarlardy saqtaý qyzmetteri rıteılerge jáne elektrondy saýda alańdaryna óte tıimdi. Olarǵa taýardy kedendik aýmaqtan satyp alýshyǵa jetkizýge alyp ketken soń, salyq bajdary men alymdardy tóleýge múmkindik beriledi. Bul bızneske shyǵyndardy azaıtýǵa jáne ózderiniń klıentterine tapsyrystardy jyldam jetkizýge múmkindik beredi. Mundaı sheshim óndirýshi elden jetkizýdi kútpeı-aq, óz taýaryn neǵurlym qysqa merzimde qoldaryna alatyn tutynýshylarǵa tıimdi. Bul artyqshylyqtardyń barlyǵy elektrondy kommersııanyń damýyna jáne qolma-qol aqshasyz tólemniń ósýi esebinen kóleńkeli aınalymdaǵy qarajatty azaıtý jónindegi memlekettik mindetti sheshýge yqpal etedi. Jańa bond qoımasynda júkterdi temir jol jáne avtomobıl kóligimen qabyldaý jáne jiberý múmkindigi bar.
«Egemen-aqparat»