Jeti aıdaǵy jemqorlyq

Túrkistan qalalyq Polısııa basqarmasynyń oqshaý­laǵy­shyna qamalǵan kúdiktige qatys­ty túpkilikti úkimdi onyń kinási­niń dárejesin anyqtaı otyryp, sot shyǵarady.

Degenmen Túrkistan oblysynda sybaılas jemqorlyq áreketine kóbinese turǵyn úı qatynasy salasynyń mamandary barady eken.

«Bıyl 7 aıdyń ishinde oblysta 57 jemqorlyq qylmys tirkeldi. Olardyń ishinde 21 paraqorlyq, 4 alaıaqtyq jáne 18 jymqyrý áreketi bar. Oblysta sybaılas jemqorlyq áreketi­nen kósh bastap turǵan sala – turǵyn úı qatynasy. Ol boıynsha 12 qylmys, ekinshi orynda polısııa organdary – 9, odan ári bilim salasy – 8, áleýmet­tik qyzmet – 7, jer qatynas­tary – 6 jáne qurylys salasynda 5 qylmys tirkelip otyr. Árıne, barlyq jemqorlyq áreketter boıynsha sotaldy tergeý jumystary júrip, ár istiń aq-qarasy qaraldy. Sony­men qatar jemqorlyq áreket oryn alǵan ujymmen túsin­di­rý jumysy ótkiziledi. Ondaǵy maqsat – sybaılas jemqor­lyq áreketin endigi ýaqytta bol­dyrmaý», deıdi Sybaılas jem­qorlyqqa qarsy is-qımyl agenttigi Túrkistan oblysy bo­ıynsha departamentiniń bas­shysy Hákim Kóshqalıev.

Jemqorlyqtyń aldyn alý maq­satynda halyq arasyn­da túsindirý jumystary jıi uıymdastyrylýda. Jyl basynan beri departament bas­shysy 43 azamatty túrli suraq­tar boıynsha qabyldaǵan. «Bıyldyń 7 aıynda myńnan asa túrli aryz-shaǵym kelip tústi. Kúnine azamattardan 6-7 shaǵym túsip jatady. Árıne, óz kezegimizde «Halyq únine qulaq asatyn memleket» tujy­rym­damasyna saı, tıisti jaýapty shuǵyl túrde berýge tyrysamyz», deıdi departament basshysy.

Bıyl jyl basynan beri 870 myńnan astam adamdy qamtyǵan 675 sybaılas jemqor­lyqtyń aldyn alý sharasy uıymdastyrylǵan. Sonymen qatar 264 kezdesý ótkizilip, 333 tikeleı efırden jemqorlyq máselesi talqylanǵan. Sol sııaqty paraqorlyqtan aýlaq bolýǵa shaqyratyn 9 beınerolık túsirilip, nasıhattalǵan. Sybaılas jemqorlyqtyń aldyn alýda óńir azamattary da belsendi. Mysaly, paraqorlyq áreket týraly habarlaǵan 8 tul­ǵaǵa 1,5 mln teńgeniń syı­aqy­sy berilgen. Sonymen qa­tar Call ortalyǵyna 71 adam habarlasypty. Belsendi azamat­tardyń habary men departament qyzmetkerleriniń jedel áre­ketiniń nátıjesinde 3 aza­mattyń ústinen zańsyz áreketi úshin qylmystyq is qozǵalyp, 2 laýazymdy tulǵa jaýapqa tartyldy.

Jyl basynan beri sybaılas jemqorlyq áreketine jol bergen túrkistandyq 17 memlekettik qyzmetshi sottalǵan. «Bıyl oblysta sybaılas jemqorlyq áreketine barǵan 19 azamatqa qatysty 16 qylmystyq is sotqa jiberildi. Odan bólek biz 70 qylmystyq isti toqtatý týraly sheshim qabyldadyq. Sonymen qatar jyl basynan beri oblysta sybaılas jemqorlyq áreketin jasaǵan 22 adam sottaldy. Onyń 17-i memlekettik qyzmetshi, qalǵan 5-ýi quqyq qorǵaý organy qyzmetkerleri. Bıyl oblys boıynsha 6 tulǵa qaramaǵyndaǵy qyzmetkeri sybaılas jemqorlyq áreketine barǵany úshin jaýapqa tartyldy», deıdi H.Kóshqalıev. Búginde óńirde kásipkerler men ınvestorlardy sybaılas jemqorlyqtan 100% qor­ǵaýdy qamtamasyz etý maq­satynda Protecting Business and Invesments jobasy sátti júzege asyrylýda. Joba aıasynda jalpy somasy 665 mlrd 565 mln teńge bolatyn 70 iri ınvestor men kásipkerler departament tarapynan sybaılas jemqor­lyq­qa qarsy súıemeldeýge alyn­­ǵan. Bıznesti qorǵaý sheńberin­­de kásiptik sýbekt ókilderi­nen kúni búginge deıin 70 shaǵym men ótinish kelip túsken. Olar tolyq qanaǵattandyrylyp, zańdy quqyqtary qalpyna keltirilipti.

Sondaı-aq departament basshysy memlekettik organ­dar laýazymdy tulǵa­lary­nyń shaǵyn jáne orta kásip­kerlik bıznesine zańsyz aralasý áreketteriniń 11 deregi anyq­talǵanyn málim etti. Laýa­zymdy adamdardyń kásip­ker­lik qyzmetke zańsyz aralasýy boıynsha 2 ákimshilik qu­qyq buzýshylyq isi tirkelip, bólim basshylaryna 100 AEK kóle­minde aıyppul salyn­ǵan. Al «Memlekettik sa­typ alýdyń biryńǵaı terezesi» aqparattyq-taldaý júıesi arqyly satyp alý salasyna júrgizilgen monı­torıngtik jumystardyń nátıjesinde, bıyldyń 7 aıynda 506 679 999 teńge únemdelgen.

Túrkistan oblysy