Shetel kompanııalary shoǵyrlanǵan

Astana Hub 2019 jyldan beri sheteldik IT-kompanııalarmen árip­testik baılanys ornatyp keledi. Sondaı-aq olardy teh-­ n­o­parktiń qatysýshysy, ıaǵnı ­re­zıdenti atanýǵa shaqyrýda. ­Bul rette olarǵa túrli jeńildik­ter qarastyrylǵan. Atap aıt­qan­da, sheteldik startaptar Astana Hub arqyly salyqtyq jeńil­dik­ke ıe. Vızalyq rejim de je­ńildetilgen. Budan bólek, olarǵa PR, IT-qoǵamdastyq­pen jáne halyqaralyq ınvestorlarmen yqpaldasý turǵysynan kómek kórsetiledi. Tıisinshe, she­teldik kompanııalardyń jer­gilikti na­ryqqa beıimdelýi jyldam ári jeńil ótedi.

Astana Hub usynǵan je­ńil­­dikterdiń nátıjesi bolar, jyl basynan beri teh­no­park­ke sheteldik 25 IT-kom­panııa tirkelgen. Joǵa­ry­da aıt­qa­ny­myzdaı, bul – rekor­dtyq kór­setkish. Osylaısha, 25 kompanııa tehnopark eko­júıesiniń múshesi atanyp, Qa­zaq­standa óz jobalaryn júzege asyrýǵa múmkindik aldy. Búginde atalǵan kompanııalarda 130-dan astam adam jumys isteıdi. Jaqyn ýaqytta olar taǵy da 306 adamdy jumysqa qabyldamaq.

Tarqata aıtar bolsaq, biz­diń tehnoparkten oryn al­ǵan kompanııalar negizinen Qyr­ǵyzstan, Reseı, Ýkraına, Be­larýs, Izraıl, Birikken Arab Ámirlikteri, Ońtústik Koreıa, Qytaı, Japonııa, Sın­gapýr, Ulybrıtanııa, AQSh se­kildi memleketterden kelgen. Solardyń biri – Ozim Scooters. Qyrǵyzstandyq kom­pa­nııa Ortalyq Azııa boıynsha elektrli samokattardy jal­ǵa berýdiń alǵashqy jelisin qa­lyptastyrǵan. Búginde bul kom­panııanyń samokatta­ryn Nur-Sultan, Almaty jáne Shym­kent qalalarynan kezdestirýge bolady.

Kompanııa COVID-19 pandemııasy órship turǵan 2020 jyldyń shildesinde elektrli samokattardy jalǵa berýdiń jańa servısin iske qosty. Árı­ne, karantındik shekteýler kezinde mundaı jobany júzege asyrýdyń ózi úlken ná­tıje. Bul jerde komanda ju­mysynyń tıimdiligi men bız­nes-modeldiń ómirsheńdigi de óz jemisin bergeni anyq. Atap óterligi, kompanııa jobany iske qosqannan keıin bir aıdan soń óz-ózin tolyq aqtaǵan. Osylaısha, Ozim Scooters 2021 jyldyń naýryzynda Shymkentte, al sáýir aıynda elordada óz qyzmetin iske qosty. Kompanııanyń jeke IT-platformasy men mobıldi qosymshasy bar ekenin eske sala ketken jón. Onyń bári ýaqtyly jetildirilip, ja­ńar­tylyp turady.

Ulybrıtanııalyq startap Qazaqstan men Ortalyq Azııa­nyń beınekontentine arnalǵan jańa býyndy Salemix platformasyn usynyp otyr. Salemix túpnusqa kontentke basym­dyq beredi ári onyń kóptildi kitaphanasy bar. Salemix kom­panııasynyń tehnologııalyq se­riktesi – Ericsson. Kompanııa álemniń 9 memleketinde ju­mys isteıdi. Sonymen qatar álem­niń 140-tan astam elinde Ericsson-nyń tehnıkalyq jáne operasııalyq múmkindikterin paıdalanady.

– Sheteldik IT-kompa­nııa­lardyń Qazaqstanǵa degen qy­zyǵýshylyǵy artyp keledi. Jyl sońyna deıin Astana Hub-tyń qataryna taǵy da sheteldik kompanııalar qosylady degen senimdemiz. Biz olarǵa tutas baǵdarlamalar qataryn usynyp otyrmyz. Bul sheteldik startaptardy qyzyqtyrary anyq. Onyń ústine biz Astana Hub-tyń jumysyn árdaıym jetildi­rip otyramyz, – deıdi Astana Hub-tyń bas dırektory Maǵjan Mádıev.