Izraıl Damask mańynda áýe shabýylyn bastady. Áýe shabýylyna qarsy qorǵanysh júıesi zymyrandardyń kóp bóligin atyp túsirdi, dep habarlaıdy Egemen.kz.
Sırııanyń SANA agenttiginiń habarlaýynsha, shabýyl jergilikti ýaqyt boıynsha 01.26-da Sırııa astanasynyń ońtústik-shyǵysynda jasalǵan.
«Zymyrandardyń kópshiligi áýe shabýylyna qarsy qorǵanysh júıesi arqyly atyldy, tek materıaldyq shyǵyn keltirildi», delingen habarlamada.
Izraıl Sırııadaǵy nysandarǵa únemi zymyran soqqysyn jasaıdy. Damask BUU Qaýipsizdik Keńesinen kómek surap, Izraılge qysym jasaýdy talap etip birneshe ret júgindi. «Mundaı agressıvti áreket búkil aımaqtyń turaqtylyǵyna qaýip tóndiredi», dep sanaıdy olar.