Shymkent qalalyq opera jáne balet teatry aty ańyzǵa aınalǵan áýlıe ana – Domalaq anaǵa arnalǵan operany Nur-Sultan qalasynyń kórermenderine tartý etti, dep habarlaıdy Egemen.kz.
Qazaqstan Táýelsizdiginiń 30 jyldyǵyna oraı, Shymkent qalalyq opera jáne balet teatry Táýelsiz Qazaqstan jyldarynda jazylǵan ekinshi opera – T.Jarmuqamettiń «Domalaq ana» operasy kópshilik ónersúıer qaýymnyń ystyq yqylasyna bólendi.
Jańa operany sahnalaýǵa álemge áıgili jáne elimizge tanymal óner maıtalmandary jumyldyryldy. Operada jalpy sany 150-den astam ártis ról somdaıdy.
Ideıa avtory – QR Eńbek sińirgen ártisi, Memlekettik syılyqtyń laýreaty Maıra Muhamedqyzy, qoıylymnyń kompozıtory QR Mádenıet salasynyń úzdigi, Halyqaralyq baıqaýlardyń laýreaty Tasqyn Jarmuqamet. Lıbrettosyn jazǵan QR Eńbek sińirgen qaıratkeri Ashat Maemırov. Qoıýshy-rejısser – Mıhaıl Pandjavıdze, qoıýshy-dırıjer – Mádı О́mirzaqov, qoıýshy-sýretshi – Baqyt Kúzembaev, kostıým boıynsha sýretshi – Sabıra Daýletalıeva, qoıýshy-baletmeıster – Abdýrasýl Esekeev, Rıta Haırýsheva, qoıýshy-hormeıster – Baǵlan Altaev, kórkemdik jetekshi – Madıhan Dýıseev.
Shymkent qalalyq opera jáne balet teatrynyń alǵashqy gastroldik sapary Shymkent jáne Nur-Sultan qalalary ákimdikteriniń tarapynan qoldaý tapty.
«Domalaq ana» Astana opera sahnasynda búgin ekinshi ret qoıylady. Qazaqstannyń ózge qalalaryndaǵy opera súıer qaýym qoıylymdy Tengrinews.kz/tv saıtynan tikeleı efırde tamashalaı alady.