Nur-Sultanda KVI aýrýynyń deńgeıi tamyz aıynda 21%-ǵa tómendedi, dep jazady Egemen.kz.
Qaladaǵy bas memlekettik sanıtarlyq dárigerdiń orynbasary Janna Pirálıevanyń málimdeýinshe, sońǵy 10 kúnde táýligine 650-den az adam vırýs juqtyrsa, al sońǵy aptada olardyń táýliktegi ortasha sany 470-ti qurady.
«Tamyz aıynda aýrý deńgeıi shildemen salystyrǵanda 21%-ǵa tómendedi. Aptasyna syrqat sany 25-ten 31%-ǵa deıin azaıdy. Máselen, sońǵy aptada vırýs juqtyrý kórsetkishi ótken aptamen salystyrǵanda 100 myń turǵynǵa shaqqanda 31%-ǵa tómen boldy. Bir apta ishinde 3355 adam COVID-19 juqtyrdy. Aldyńǵy aptada ol 4920 adam bolǵan. 100 myń turǵynǵa shaqqandaǵy qarqyndy kórsetkish – 258,2. Reprodýktıvti nómir – 0,765», dedi Janna Pirálıeva.
Alaıda syrqat sany azaıǵanymen qala «qyzyl aımaqtan» shyqqan joq. Syrqattanýshylyqtyń jalpy kórsetkishinde klınıkalyq belgileri bar naýqastardyń úlesi áli de joǵary (78-79%).
«Sondyqtan KVI aýrýynyń deńgeıin odan ári tómendetý úshin azamattar sanıtarlyq normalardy qatań saqtaýy kerek, maska rejımin, áleýmettik qashyqtyqty jáne qol gıgıenasyn saqtaýy kerek», dep jazady qala ákiminiń baspasóz qyzmeti.