Nur-Sultan qalasynyń jol qıylysynda bronetransporter jeńil avtokólikpen soqtyǵysty, dep habarlaıdy Egemen.kz.
Bul aqparatty qalalyq polısııa departamenti rastady.
«Aǵymdaǵy jyldyń 1 qyrkúıeginde saǵat 07:35-te 46 jastaǵy júrgizýshi Nissan Almera markaly avtokóligin basqaryp, Nur-Sultan - Qaraǵandy tas joly men Armandastar kóshesiniń qıylysynda solǵa burylǵan kezde BTR 82-A áskerı kóligine jol bermedi. Nátıjesinde, jol-kólik oqıǵasy oryn aldy», dep habarlady vedomstvodan.
Habarlanǵandaı, apat saldarynan zardap shekkender joq. Nissan Almera markaly avtokóliginiń júrgizýshisine qatysty QR ÁQBK 610-baby 1-bóligi boıynsha ákimshilik is qozǵaldy.
«Polısııa departamenti jarqyldaýyq maıaktary men arnaıy dybys sıgnaly iske qosylǵan kólik quraldary jaqyndaǵan kezde basqa júrgizýshiler sol kólik quraldarynyń kedergisiz ótýin qamtamasyz etý úshin jol berý kerektigin eske salady», dep qorytyndylady polısııa.