Pavlodar oblystyq TJ departamenti basshysynyń mindetin atqarýshy, podpolkovnık Meırambek Batyrqulov jas qyzdyń ómirine arasha túsip, alaıda ózi mert bolǵan Marat Rahymjanovtyń otbasymen kezdesti, dep habarlaıdy Egemen.kz Pavlodarnews.kz saıtyna silteme jasap.
Pavlodar oblystyq TJ departamentiniń baspasóz qyzmetiniń habarlaýynsha, qaza tapqan er adam 1962 jyly týylǵan.
Esterińizde bolsa, 3 tamyz kúni Ertis ózeniniń jyly aǵymynda ózenge batyp bara jatqan 11 jasar qyzdy qutqaryp, alaıda ózi sýǵa batyp ketken er adam týraly habarlaǵan bolatynbyz. Ol ózenge batyp ketken qyzdy jaǵaǵa laqtyryp úlgergen 59 jastaǵy Marat Rahymjanov bolatyn. Marqumnyń denesin jedel-qutqarý jasaǵynyń qutqarýshylary araǵa eki kún salyp ıaǵnı 5 tamyzda saǵat15:47-de Pavlodar qalasynyń avtojol kópiri mańynan tapqan bolatyn.