«Týberkýlezge qarsy ekpe degen syltaýmen balalarǵa koronavırýsqa qarsy vaksına salynyp jatyr». El ishine taraǵan bul aqparattyń jalǵan ekenin sanıtarlyq-epıdemıologııalyq baqylaý komıtetiniń resmı ókili Erjan Baıtanaev málimdedi, dep habarlaıdy Egemen.kz.
Ol óziniń feısbýktaǵy paraqshasynda «Týberkýlezge qarsy revaksınasııa josparly shara jáne ol tek qyrkúıekte júrgiziledi» dep jazdy. Sondaı-aq ata-ananyń jazbasha kelisiminsiz eshkimge ekpe salynbaıtynyn atap ótti. Onyń aıtýynsha, Pfizer vaksınasy osy jyldyń tórtinshi toqsanynda qoljetimdi bolady. Biraq ol da tek ata-ananyń nemese balanyń zańdy ókiliniń ruqsatymen ǵana salynady. Komıtet ókili qazaqstandyqtardy tek resmı derek kózderine senýge shaqyrdy.