Memleket basshysy Qasym-Jomart Toqaevtyń halyqqa Joldaýy qoǵamdaǵy kúrdeli máselelerdiń sheshimin aıqyndap, baǵyt-baǵdaryn kórsetip berdi. Prezıdent memleketti nyǵaıtý kezeńine basty nazar aýdaryp, iri saıası reformalardy júzege asyryp keledi.
Halyqtyń ál-aýqatyn kóterý maqsatyndaǵy saıası reformalardyń bir kórinisi byltyrǵy zeınetaqy jınaqtaryn paıdalaný tetigin usynýy naqty nátıjege qol jetkizdi. Bul halyqtyń jaǵdaıynyń neǵurlym túzelýine oń áserin tıgizdi. Sonymen qatar jerdiń sheteldikterge satylýyna tyıym salynyp, qol qoıýy da halyqtyń kóńilindegi kúdigin seıiltti. Degenmen qoǵamdaǵy keleńsiz jaǵdaılardyń da tóbe kórsetip jatqany belgili. Memleket basshysy aýyl sharýashylyǵyna bólinetin sýbsıdııannyń talan-tarajǵa túskenin aıta kelip, budan bylaı sýbsıdııany rásimdeý ashyq ári qoljetimdi bolatynyn eskertti.
«Áleýmettik baǵdarlamalardy jeke múddesine paıdalanǵandar, ulttyq ekonomıkaǵa paıda ákelmeıtin jobalarǵa qarajattardyń bólinetindigine toqtaý bolady, memleket bankterge kómek bermeıdi», dedi Prezıdent.
Ǵylymdy damytý, halyqtyń densaýlyǵyn saqtaý, ekologııa, aýyz sý máseleleriniń sheshimin tabý maqsatynda Úkimetke tapsyrmalar berdi.
«Han qasynda aqyldy bı bolsa, qara jerde keme júrgizedi». Qazaqstan Prezıdenti Qasym-Jomart Toqaev ár Joldaýynda saıası júıeniń jańa formýlasyn usynady. Jahandyq kezeńde bas saýǵalaýdyń múmkin emestigine kóz jetkizip otyrmyz. Júz myńdaǵan joǵary bilikti IT-mamandardyń tapshylyǵy qoǵam damýyn tejeıtini de ras. Joldaýdaǵy maqsat-múdde – úlken betburys! Kúshti Prezıdent – yqpaldy Parlament – esep beretin Úkimet bolǵanda tórt aıaǵy teń túsetinine senim mol.
Roza MUQANOVA,
jazýshy-dramatýrg,
Memlekettik syılyqtyń laýreaty