Sınoptıkter aldaǵy kúnderi jańbyr jaýyp, aýa temperatýrasy tómendeıtinin habarlady, dep jazady Egemen.kz.
«Respýblıkanyń kóp bóliginde frontaldi bóliktiń áserinen jańbyr jaýady: soltústikte qatty jańbyr boljanyp otyr. Tek ońtústik óńirlerde aýa raıy jaýyn-shashynsyz bolady.
8-9 qyrkúıekte túnde Qostanaı, 9 qyrkúıekte Aqmola jáne Soltústik Qazaqstan oblystarynda 2 gradýs úsik júredi.
Respýblıkanyń batysynda, soltústik-batysynda túnde aýa temperatýrasy 5–10, kúndiz 14–22 jyly, soltústikte jáne ortalyqta aýa temperatýrasy túnde 2–7, kúndiz 13-23 jylý, shyǵysta túnde 7–12, kúndiz 20–25 jylýdy kórsetedi.
Respýblıkanyń ońtústigi men ońtústik-shyǵysynda túnde aýa temperatýrasy 10–15, kúndiz 22–27 jylyǵa deıin kútiledi», dep jazylǵan Qazgıdromet habarlamasynda.