Elordada Aqparat jáne qoǵamdyq damý mınıstrliginiń qoldaýymen «Otandastar qory» KeAQ Memleket basshysy Q.Toqaevtyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýynyń negizgi erejelerin talqylaýǵa arnalǵan onlaın-konferensııa ótkizdi.
Is-sharaǵa barlyq óńirlerdegi «Otandastar qory» KeAQ front-keńseleriniń ókilderi men qandastar qatysty. Talqylaý barysynda Prezıdenttiń kóshi-qon saıasatynyń jańa tujyrymdamasyn ázirleý jónindegi bastamalary atap ótildi.
Osylaısha, qatysýshylar ońtústikten soltústikke qonys aýdarǵan azamattarǵa járdemaqylardy bólý tásilderin qaıta qaraý, sondaı-aq qonys aýdarýshy azamattarǵa úı salý, aýyl sharýashylyǵymen aınalysý úshin jer ýchaskelerin berý múmkindigin qaraý, jaıylymdyq alqaptardy bólý mehanızmderin qaıta qarastyrý qajet ekendigimen kelisti.
Qatysýshylar Prezıdenttiń Joldaýy tarıhı otanyna kelgen qandastardyń beıimdelýine yqpal etetin ózekti máselelerdi kóterdi degen pikirge keldi.
«Egemen-aqparat»