El Prezıdenti Qasym-Jomart Toqaevtyń shartarapty sharlaǵan pandemııa kezinde ári el ishindegi sońǵy apatty oqıǵalardan soń halyqqa joldaǵan Joldaýynyń mańyzy erekshe.
О́ıtkeni bul Joldaýda osy ýaqytqa deıin kóp nazarǵa ilige bermeıtin mádenıet qyzmetkerleri men muraǵatshy, kitaphanashylardyń jaǵdaıy eskerildi. Bul, eń aldymen bıliktiń mádenıetke, rýhanııatqa degen qamqorlyǵy dep bilemin. Sýretshiler qaýymy úshin mádenıet salasyndaǵy bul bastamalar jańa bir ózgeristiń nyshanyndaı boldy. Búgingideı tehnologııa qaryshtap damyp, qoǵam ónerden alystap jatqan ýaqytta Memleket basshysynyń mádenıet salasyn nazardan tys qaldyrmaǵany bizdi ǵana emes, barsha zııaly qaýym ókilderin qýantty.
Sondaı-aq el basshysy memlekettik bıýdjet esebinen mádenıet pen rýhanııat salasyna bólinetin qarjynyń belgili bir mádenıet qaıratkerleriniń jobalaryna ǵana jumsalyp otyrǵanyn atap ótti. «Jas ári daryndy músinshiler, sýretshiler, teatr qyzmetkerleri, mýzykanttar, qalamgerler jańa janr túrlerin ıgerip, udaıy izdenis ústinde júredi. Sóıte tura, olar eleýsiz qalyp, mesenattardyń kómegimen ǵana kún kóredi. Shyn máninde, Qazaqstan mádenıeti sol jas daryndardyń arqasynda jahandyq deńgeıde tanylyp júrgen joq pa?!» dep, jas talanttardy qoldaıtyn jobalar josparyn usynýdy tapsyrdy.
Budan bólek qoǵamnyń ár salasyndaǵy kúrmeýli máseleler de basty nazarǵa alyndy.
«Bizde eń tómengi jalaqy mólsheri 2018 jyldan beri ósken joq. Koronavırýsqa baılanysty álemdik daǵdarys turǵyndardyń tabysyna keri áser etti. Onyń ústine Qazaqstan eń tómengi jalaqy deńgeıi boıynsha TMD-nyń birqatar elderinen artta qalyp qoıdy. Sondyqtan, 2022 jylǵy 1 qańtardan bastap eń tómengi jalaqyny qazirgi 42,5 myń teńgeden 60 myń teńgege deıin kóterý týraly sheshim qabyldadym», dedi Prezıdent. Bul bastamanyń qoǵamdaǵy ártúrli sanattaǵy halyqtyń turmysyna áser etetini anyq.
Qasym-Jomart Kemeluly Joldaýynda memlekettik tildiń mártebesi týraly sóz qozǵady. Qazaq tiliniń bilim men ǵylymnyń, mádenıet pen is júrgizýdiń tiline aınalyp jatqanyn da aıtty. «Ata zań boıynsha Qazaqstanda bir ǵana memlekettik til bar. Bul – qazaq tili. Orys tili resmı til mártebesine ıe. Bizdiń zańnamaǵa sáıkes, onyń qoldanylýyn shekteýge bolmaıdy. Bolashaǵyn Otanymyzben baılanystyratyn árbir azamat qazaq tilin úırenýge den qoıýǵa tıis. Bul otanshyldyqtyń basty belgisi deýge bolady», dedi Prezıdent.
Bul Joldaý el ómirindegi keıingi ýaqyttaǵy oqys oqıǵalardan soń qoǵamǵa jańa tynys ákelgendeı boldy. Bastaý alǵan jańa bastamalar memleketti tyń ózgeristerge bastaıdy dep senemiz.
Kamıl MÝLLAShEV,
sýretshi, Memlekettik syılyqtyń laýreaty